Kamė rasi geriau? Spausdinti

 

Kamė rasi geriau

Palmiems galvas Atlanta vėjielis šokou

Ėr saulelė pru diebesis šypsuos.

Tenerifie dar žėima,– prasėdiejė vasaris,

Bet mon pete rauduona nusvėla.

Išėini vakaras žiobores pasėdžiaugtė,

Pabraidytė Atlanta pakrontiem

Ėr jautys, kap pri Germont’a par juonėnės vakščiuotum’i.

Kas čė šėld? Gal „olia“ tėi su šypsenuom?

Žemaitijuo Saulelė ta mažiau pakaitėn,

Vasarelės – kap žėimas Kanarūs’ė.

Bet šypsuotėis ėr žėimą juk nieks mums neuždraudė,

Tartė žuodį, kors sutėktųj’į šėlda.

Nomėi nerek lėižov’ė sukiniet’ė, regolioutė,

Nuorint truopne ištart’ė „buenas tardes“.

Palinkiek tik nu dūšės, sutėktam „sveiks būk, bruoli“,

Tas pajos, kad tur’i širdį, ne akminį.

Jėgu tep kuožną dėiną, jėgu tep kuožnos vėins

Pasėjosem bišk’į geresnė patys.

Špuoka gėismie mielesn’ė už čėrškėma papūgų,

Nomėi geriau už svetėmas platomas!

Untuons Jokubavičios

Tenerifė 2018.02.04.