Mažė pu pėivas ką lakstiem,
Mažė pu pėivas ka lakstiem
Greitė, kaip zoike, kap strėnas,
Valondas mums neskubiejė,
Ėlgas bov’ dėinas, kap puotėra.
Auguom, išmuokuom skaičioutė
Piningus, darbus ėr žuodius.
Žingsnius pradiejuom taupytė,
Bet tėi metele – vės tekėnė.
Mienese, meta greit pralek,
Dėinas – akimėrkas trumpas.
Tep ėr veiziek, kad suspietum
Dėiną pradiet’ nesukumpės.
Tep ėr skubiek pasėdžiaugtė
Pagada, lyto ėr derlio.
Žmuogo sutėkės ištartė
Gera žodielį, kap perlą.
Tegu ons vakarą sutink
Dėino patenkints ėr darbo.
Dievou diekuot kad norietom
Už sava džiaugsmus ėr varga.
Untuons Jokubavičios
2003m.
|