Veiziek, vakars atein

Rečiau vėns kėtą bematuom

Rūpesčiūs sava paskėndė.

Dėinas tuos greita tep pralek,

Meta tėi – greitė, kap stėrnas.

Spiek tik saulelė pasveikint,

Rytą pasiųst’ šypsenelė.

Apsėsoka – jau ėr leidas,

Dar vėina baigas dėinelė.

Apsėveiziek, ar padėrba,

Kų bova vakar planavės,

Meile ar pykčiou dėdesnė

Būs’i šėndėin dal’i atėdevės?

Garbėna Dievą, ar keike

Uorus, kaimyną ar bruolį?

Vakarė spiek bent atleistė,

Nenešk pėktumų į guolį.

Tep tus metus ėr mieroujem

Žuodes geras ėr darbeles,

Tep ėr rėkioujem į eilė

Sava džiaugsmus ėr vargelius.

Untuons Jokubavičios

Raine, 2000.05.25.