Kelio į laisvę gairės:

Prisijungimas



Pradinis Eilės Eilės
Gerų Metų! PDF Spausdinti El. paštas

 

Gerų Metų!


Kontre rėitiedama par dongo

Dar vėinus metus Saulė suvyniuojė.

Jug gerė bova tims, kas neprasnaudė,

Bet linkem kėtų geresnių, dosniesnių.

Žingsnioukem energinga par Žemelė,

Sau kielį šypsenuom vės pasėšvėisdamė.

Sutėkė žmuogo tarkem žuodį gerą,

Ėr palinkiekem, kad į kalną eitom vės.

Kad jėgų ėr energėjės užtektom,

Kad džiugintom tas kels, ėr jėgų teikto,

Kad vėsą kielį šėrdės meilė degtom,

Kad karto drauga ištėkėmė eito.

Kad vakarė, ištėisė kuojės pailsietė,

Pri šėlta pečiaus korpės pasėdžiuovė,

Kūriejou tartomem nuoširdį „ačiū“,

Vo rytą viel į naujus žygius kėltomem.

Kad kryptį išlaikytomem teisingą,

Par pūgas, viejus, par opalius sraunius,

Kad džiugintom reikšmingė atradėma,

Ėr širdys lėktom degontės ėr jaunas!

 

Untuons J. Raine, 2014.12.30.