Kelio į laisvę gairės:

Prisijungimas



Pradinis Eilės Eilės
Su Velykuom! PDF Spausdinti El. paštas

 

SU VELYKUOM, SU PAVASARIO!


Velykų Rytmeti pabodė onkstėj,

Nepolkem kompa biegtė įsijungtė,

Išeikem lauk Saulelė pasėdžiaugtė,

Ėr paukštė čiolbontė pasėklausytė!

Pavasaris; Saulelė jau onkstyva,

Ėr mes pakėlkem su Saulelė linksmė,

Išeikem basuom kuojuom į kėimielį,

Visims sušokem garse – Laba Ryta!

Pasveikinkem linksma ne tik kaimyną,

Bet ėr šunielį, paukštį, ėr žolyną,

Pažadinkem mes šėndėin tų geromą,

Kor mėigt dar vės, mūs širdie nepabodės.

Apsėžvalgykem, kap Žemelė bund jau,

Kap ana sak Tau; pasėdžiauk šio dėino,

Nes darba nesėgaus nė vėina švėnta,

Jėigu be meilės anų imsi dėrbtė.

Žemaitis kuožnos sieluo tor kertelė,

Kor kėrmėna žėimuojė prisėveisė,

Bet rek ton kertė išvalyt’, iškuoptė,

Geras darbas ėr žuodes nuošėrdiauses.

Tad paveiziekiau gėlėi sau į dūšė,

Ėr pagalvuokiau, kas vedoms yr brongo,

Susikabėnė viel į darbą kėbsiau,

Bet jau su meilė ėr su šėltuom ronkuom.

Su Saulė ėr su kiaušes nudažytas,

Šėndėin rėdenas mūs Žemelė linksma,

Brunginkem šio akimėrką vėinintelė,

Brunginkem žmuogo tų, kor dabar šalėp.

Pasveikins vakus gondros sav’ kalenėmo,

Kožnam jug rek lašelė mūsa meilės.

Dalinkiau duosne; ne lašas, o viedras,

Tep vėsus paokatysiau mylietė!


Laura Mikašauskienė 2016 pavasaris