Mintys iš vaikystės
Douk, seselė, ronką,
Biegam lyg kalnelė
Tėn viel pamatysem
Margą pleštekelė.
Karklūs viel atrasem
Grajėjunt‘i žiogielį,
Skrozdelės beganunt‘i
Joud saulės šunielį.
Stuotkus sumazguojus‘i,
Linksma petronelė
Pažadies ėr viel mums
Šėltą vasarelė.
Iš vasėlkų bitys
Rinks tėn saldi medo.
Su šviežes vagorklas
Kaštavuosiau vedo…
Ne tik medo rinka
Iš gėlių bėtelės…
Metų daug praslinka,
Sudeg‘ė daug žvakielių.
Tik mintim sugrįžtė
Į vaikystė galem,
Ožoulė sulėpė
Skint ėivuos ougelės.
Kumet mes padėigsem
Tuoki ožoulielį,
Kad brungint‘o anūką
Ėr žėlūs meteliūs?
Kad mažė įlėpė
Diebesis prigauto,
Dėdelė – paviesie
Dainą sudainiouto?
Untuons Jokubavičios
2006.06.24. |