Atkortá Lietuvuos nepriklausomybe 100m

Kuokės datas bedieliuotum’i, kap beskaičioutum’i

Mūs’a Tėvynė ėr jauna, ėr jauki.

Kuokiūs tuoliūs bebūtum’i ėr kor bekeliautum’i

Į gėmtėnė vėstėik šėrdės trauk jug.

Poike Krokuvuo, Ryguo, ėr Vienuo, ėr Miunchenė,

Barseloną Gaudi yr išpoušės.

Bet pavakščiuok pu Tėlšius, poušniuom Mastė pakrontiem...

Neprastiesnis ėr mūsa Žebrauskis.

Prasok toliau; pru Platelius, Salontus,Plungė,

Pru Darbienus, japuonėškus suodnus.

Jėgu tuo dar tau maža, pasėvakščiuok pu Palonga,

Aplunkyk Šiaulius, Vilnio ėr Kauną.

Pagražiejė mūs Lietova, laisvė atgavusi,

Širdžių ognė dar karšto sušildykem.

Ėr nories mūsa vaka paklydė sugrįžtė

Į gėmtėnė iš tuolėmų kryžkelių.

Ė sušėltė nories pri ognelės tuo židėnė,

Katrų buočių dar ronkas sumūrėjė.

Atsėgertė vondens iš šaltėnė tuo pamiškie,

Katrų pruobuoče kraujo pašvėntėna.

Untuons Jokubavičios Tenerifė, 2018.02.05.

Kam sunke sekas skaitytė, galėt pasėklausytė čė!