Žemaitėšks pasėrokavėms

(Autorius nežinomas)

– Vo kumet, mergelė brongi,

Aš tavi turiesio?

Vo kumet kap kvietka longė

Pas muni žydiesi?

– Vo tumet, bernieli mona,

Būsma kap balonde,

Kumet to išdrapakousi

Diebesis padongie.

Vo kumet mergelė mona

Siesi mon unt skraitą?

Juk sene jau žmuonys vedo

Kap žanuotus laika.

– Tėkra, kumet to mėnulie

Rugelius pasiesi,

Tumet jau aš tavi vėiną

Truopne pamyliesio.

– Vo kumet, mergelė mona,

Vėnčiavuotė būsma?

Vo kumet veselė trypsma

Naujuo trobuo mūsa?

– Kumet iš dongaus žvaigždielių

Vyną mon išspausi,

Tumet tavi – luocną vyrą,

Pri šėrdėis priglausio.

//